Gonkongta bıik ǵımarattarǵa shyǵyp, vıdeo túsiretin bloger 68-qabattan qulap ketti
GONKONG. QazAqparat – «Enigma» atymen tanymal frantsııalyq Remı Lýchıdı Gonkongta 68-shi qabattan qulap qaza tapty, dep habarlaıdy QazAqparat The Sun basylymyna silteme jasap.
30 jastaǵy jigit Gonkongtaǵy Tregunter Tower joǵarǵy qabatyndaǵy penthaýs shatyrynan qulap qaza tapty.
Frantsýz beısenbi kúni keshke záýlim ǵımaratqa kirip, kúzetshige dosyna qonaqqa kelgenin aıtqan.
Kúzetshi ony toqtatpaq bolǵanda ol tyńdamaı joǵaryǵa kóterilip ketken.
Vıdeobaqylaý kamerasynyń kadrynan Lýchıdıdiń lıftpen 49-qabatqa, keıin baspaldaqpen joǵaryǵa kóterilip bara jatqany kórinip tur.
Sońǵy ret onyń ǵımarattyń terezesin toqyldatyp, qyzmetshi áıeldi kómekke shaqyryp jatqanyn kórgen, keıin ol qulap, mert boldy.
Remıdi izdegen qaýipsizdik qyzmetkerleri keıinirek shatyrdyń lıýgi ashyq turǵanyn baıqaǵan.
Polıtseıler ony penthaýstan tysqaryda tuzaqta qalyp qoıyp, sol kezde eldi kómekke shaqyrdy dep boljap otyr.
Polıtsııa oqıǵa ornynan er adamnyń kamerasyn tapty. Oǵan basqa da qaýipti trıýkterdiń vıdeosy túsirilgen.
Lýchıdı Instagram-daǵy oqyrmandaryna qıyn trıýkter jasaǵan áserli vıdeolaryn jıi bólisip otyrǵan.
2019 jyly Remı Gonkongtegi kóppáterli úıdiń ústinde ketip bara jatyp, ózin túsirgen. Onda shatyrdyń shetine birneshe dıýım ǵana qalǵanyn kórýge bolady.
Sondaı-aq, ol álemdegi, sonyń ishinde Bolgarııa, Kolýmbııa, Frantsııa, Dýbaı jáne Polshadaǵy bıik ǵımarattarǵa shyǵyp, tanymal bolǵan.
