Gonkongta Altaıdyń qysqy týrızminiń tanystyrylymy «Qarajorǵa» bıimen ashyldy – sheteldegi qazaq baspasózi
Kazinform HAA sheteldegi qazaq tilinde taraıtyn aqparat kózderine aptalyq sholýyn usynady.
Qazaqstan men Iran yntymaqtastyqty keńeıtý máselelerin talqylady – Eurasia Today
Qazaqstan Syrtqy ister mınıstriniń orynbasary Arman Isaǵalıev Irannyń Qazaqstandaǵy jańadan taǵaıyndalǵan elshisi Mahmýd Safarı Farhýdpen kezdesti.
Bul týraly osy aptada Qyrǵyzstanda shyǵatyn Eurasia Today aqparat agenttigi habarlady.
Atalǵan BAQ-tyń keltirgen derekterine súıensek, kezdesý barysynda taraptar saıası dıalogty damytý, saýda-ekonomıkalyq yntymaqtastyqty keńeıtý jáne mádenı-gýmanıtarlyq baılanystardy nyǵaıtý máselelerin talqylady. Sondaı-aq ózara saýda kólemin arttyrý, kólik-logıstıkalyq áleýetti damytý jáne buryn qol jetkizilgen ýaǵdalastyqtardy iske asyrýǵa basa nazar aýdaryldy.
Taraptar ekijaqty jáne kópjaqty formattardaǵy yntymaqtastyqty odan ári jalǵastyrýǵa daıyn ekendikterin rastady.
Ózbekstanda ishki áýe reısteriniń bıletteri 20 paıyzǵa deıin arzandaıdy – ÓzA
Ózbekstanda 2026 jylǵy 16 qazannan bastap ishki áýe reısteriniń bıletteri orta eseppen 20 paıyzǵa deıin arzandaıdy, dep habarlaıdy «ÓzA» aqparat agenttigi.
Jergilikti BAQ-tyń habarlaýynsha, tarıfterdi tómendetý týraly sheshim Básekelestik komıteti júrgizgen zertteý nátıjesinde qabyldanǵan. Zertteý barysynda áýe tasymalyna baılanysty shyǵyndardy ońtaılandyrý múmkindikteri qarastyrylyp, bıletter baǵasyn tómendetý jóninde usynystar ázirlengen.
Jańa tarıfter ishki áýe qatynasyn halyq úshin qoljetimdi etýge, ishki týrızmdi damytýǵa jáne óńirler arasyndaǵy qatynasty keńeıtýge baǵyttalǵan.
Astana men Qulja arasynda tikeleı áýe reısi ashylady– Jenmın jıbao
26 qazannan bastap FlyArystan áýe kompanııasy Astana – Qulja baǵyty boıynsha tikeleı reısterdi iske qosady. Bul týraly Qytaıdyń Jenmın jıbao aqparatttyq portaly habarlaıdy.
Atalǵan BAQ-tyń deregine súıensek, jańa baǵyt boıynsha ushaqtar aptasyna úsh ret – dúısenbi, sársenbi jáne senbi kúnderi qatynaıdy. Astanadan ushatyn FS7989 reısi jergilikti ýaqyt boıynsha saǵat 7:55-te jolǵa shyǵyp, Beıjiń ýaqytymen 13:20-da Quljaǵa jetedi. Keri baǵyttaǵy FS7990 reısi Quljadan saǵat 15:20-da ushyp, Astanaǵa jergilikti ýaqyt boıynsha 14:50-de qonady. Bul – FlyArystan kompanııasy Almaty – Qulja baǵytyn ashqannan keıingi Quljaǵa qatynaıtyn ekinshi halyqaralyq áýe baǵyty. Jańa reıs eki el arasyndaǵy týrızm, saýda jáne mádenı baılanystardy damytýǵa yqpal etedi dep kútilýde.
Aıta keteıik, Qulja – Qytaıdyń Shyńjań ólkesindegi Іle Qazaq avtonomııalyq oblysynyń ákimshilik ortalyǵy. Іle ózeni ańǵarynda, Qazaqstan shekarasyna jaqyn ornalasqan qala óńirdiń saýda-ekonomıkalyq, kólik jáne mádenı ortalyqtarynyń biri sanalady.
Sondaı-aq osy aptada Jenmın jıbao aqparattyq portalynda «Qazaqstanda Ortalyq Azııadaǵy alǵashqy «Chanan sheberhanasy» quryldy» degen taqyryptaǵy aqparat jaryq kórgen bolatyn.
Qazaqstanda Ortalyq Azııa elderi arasyndaǵy alǵashqy «Chanan sheberhanasy» quryldy. Qytaılyq basylymnyń habarlaýynsha, jobany Shyńjań kólik kásiptik-tehnıkalyq ýnıversıteti, Qytaıdyń Changan Automobile kompanııasy jáne Qazaqstandaǵy Satbayev University birlesip júzege asyrǵan.
Joba jańa energııa kózderimen júretin avtomobılder salasyna mamandar daıarlaýǵa, oqytýshylar tájirıbesimen almasýǵa jáne tájirıbelik oqytý bazalaryn qurýǵa baǵyttalǵan. Bastama Qytaı men Qazaqstan arasyndaǵy kásiptik bilim berý baılanystaryn nyǵaıtyp, kólik salasyna qajetti bilikti kadrlar daıarlaýǵa múmkindik beredi.
Gonkongta Altaıdyń qysqy týrızminiń tanystyrylymy «Qarajorǵa» bıimen ashyldy– «Altaı aqparaty»
Qytaıdyń Shyńjań-Uıǵyr avtonomııalyq aýdanyndaǵy Altaı aımaǵynyń qysqy týrızm áleýetin tanystyrýǵa arnalǵan «Shyǵystyń injý-marjanynda bas qosyp, qarly mekenge birge sapar shegeıik» atty mádenıet jáne týrızm tanystyrylymy Gonkongta ótti, dep habarlaıdy «Altaı aqparaty» basylymy.
Atalǵan BAQ-tyń dereginshe, 8 qazanda uıymdastyrylǵan is-sharaǵa saıası, saýda-ekonomıka, bilim berý salalarynyń ókilderi, halyqaralyq seriktester men BAQ ókilderin qosqanda 150-den astam adam qatysty.
Tanystyrylymda Altaıdyń uzaqqa sozylatyn qarly maýsymy, sapaly ulpa qary, shańǵy tebýge qolaıly jaǵdaılary jáne tórt maýsymdyq týrıstik múmkindikteri tanystyryldy.
«Іs-sharanyń betashar bıi bolǵan «Qara jorǵa» Shyńjańnyń salt-dástúrin tolyq áıgilep, Altaıdyń keń-baıtaq kórkem qar-muz kórinisin kóz aldyǵa ákelgendeı boldy», dep jazady qytaılyq BAQ. Sondaı-aq «Qar-mýz maıagi» atty nasıhattyq beınerolık kórsetilip, jasandy ıntellekt pen keńeıtilgen shynaıylyq tehnologııalary arqyly qonaqtarǵa Altaıdyń shańǵy kýrorttaryn vırtýaldy tamashalaý múmkindigi usynyldy.
Jıynda Gonkongtyń halyqaralyq naryqtaǵy artyqshylyqtaryn paıdalanyp, Altaıǵa keletin týrıster aǵynyn arttyrý, qysqy sportty damytý jáne mádenıet pen týrızm salasyndaǵy yntymaqtastyqty keńeıtý máseleleri talqylandy. Uıymdastyrýshylardyń aıtýynsha, bul bastama Altaıdyń halyqaralyq týrıstik naryqtaǵy tanymaldylyǵyn arttyryp, óńirdiń «Qytaıdyń qarly mekeni» retindegi brendin ilgeriletýge yqpal etedi.
Bıyl Alashankoý-Dostyq kedeni arqyly ótken júk poıyzdarynyń sany 7 myńnan asty – Halyqgazeti
Bıyl Qytaıdyń Alashankoý porty arqyly Qytaı–Eýropa jáne Qytaı–Ortalyq Azııa baǵyttarynda qatynaıtyn júk poıyzdarynyń sany 7 myńnan asty. Bul kórsetkishke ótken jylmen salystyrǵanda 45 kún buryn qol jetkizildi, dep habarlaıdy qytaılyq Halyq gazeti basylymy.
Atalǵan BAQ-tyń habarlaýynsha, 12 qazanda porttan Polshanyń Malashevıche qalasyna avtobólshekter men elektrondyq ónimder tıelgen kezekti júk poıyzy jóneltildi.
Qazirgi ýaqytta Alashankoý porty arqyly 130 baǵyt boıynsha júk tasymaly júzege asyrylady. Poıyzdar Germanııa men Polshany qosa alǵanda, 21 elge qatynap, 200-den astam taýar túrin tasymaldaıdy.
Basylymnyń málimetinshe, júk poıyzdarynyń jalpy sany boıynsha Alashankoý porty Qytaıda birinshi orynǵa shyqqan.
Aıta keteıik, Alashankoý porty — Qytaıdyń Shyńjań-Uıǵyr avtonomııalyq aýdanynda, Qazaqstanmen shekaralas aýmaqta ornalasqan mańyzdy qurlyq kólik-logıstıkalyq toraby. Ol Qazaqstannyń Dostyq stantsııasymen temirjol arqyly baılanysyp, Qytaı men Ortalyq Azııa, Eýropa arasyndaǵy júk tasymalynda mańyzdy ról atqarady.
QazUÝ stýdentteri Hafız Shırazıdiń ǵazaldaryn parsy tilinde oqydy – ParsToday
12 qazanda Qazaqstan Respýblıkasy Ulttyq kitaphanasynda parsy poezııasynyń kórnekti ókili Hafız Shırazıdiń shyǵarmashylyǵyna arnalǵan ádebı-poezııalyq kesh ótti. Іs-sharany Ulttyq kitaphananyń «Álem ádebıeti» bólimi janyndaǵy Iran buryshy men Iran Islam Respýblıkasynyń Almatydaǵy Bas konsýldyǵy birlesip uıymdastyrdy, dep jazdy ParsToday aqparat agenttigi.
Irandyq aqparat agenttiginiń málimetinshe, kesh barysynda aqynnyń ómiri men shyǵarmashylyǵy, parsy klassıkalyq ádebıetindegi orny jáne poezııasynyń kórkemdik erekshelikteri tanystyryldy. Ál-Farabı atyndaǵy QazUÝ shyǵystaný fakýltetiniń úshinshi kýrs stýdentteri Hafızdiń ǵazaldaryn parsy tilinde oqydy. Іs-sharaǵa Ulttyq kitaphana dırektory Ǵazıza Nurǵalıeva, Irannyń Almatydaǵy Bas konsýly Sona Ahmadı, mádenı ister jónindegi attashe Mohammad Masýd Sadeǵı, sondaı-aq oqytýshylar men stýdentter qatysty. Keshtiń maqsaty — parsy ádebı murasyn nasıhattaý jáne Qazaqstan men Iran arasyndaǵy mádenı baılanysty nyǵaıtý ekeni aıtylady.
Túrkııadaǵy temeki shekpeıtin aýyl: bir ǵasyrdan beri jalǵasqan dástúr – TRT
Túrkııanyń batysyndaǵy Tazlar aýyly turǵyndary 1928 jyldan beri temeki shekpeý dástúrin ustanyp keledi. Afıonkarahısar ýálaıatyna qarasty aýylda bul bastama aqsaqal Ahmet aǵanyń usynysymen qolǵa alynǵan. Sodan beri temekiden bas tartý urpaqtan-urpaqqa jalǵasyp, jergilikti mádenıettiń ajyramas bóligine aınalǵan. Bul týraly osy aptada Túrkııa Radıo Televızııa portaly habarlady.
«TRT»-nyń dereginshe, Túrli zertteýler Túrkııanyń temeki tutyný boıynsha álemde aldyńǵy qatarda ekenin kórsetedi. Osy turǵydan alǵanda, shamamen 2 myń turǵyny bar Tazlar aýylynyń tájirıbesi erekshe nazar aýdartady. Aýyldyń 66 jastaǵy ýaǵyzshysy ári esepshisi Mehmet Aıdoǵmýshtyń aıtýynsha, balalar temeki shekpeýdi arnaıy nasıhat arqyly emes, ata-analary men úlkenderine qarap úırenedi. Bul dástúrdiń qalyptasýyna densaýlyqqa qamqorlyq, dinı qundylyqtar jáne qoǵamdaǵy ózara jaýapkershilik yqpal etken.
Alaıda jastardyń bilim alý jáne jumys tabý maqsatymen Stambýl men Býrsa sııaqty iri qalalarǵa qonys aýdarýy ǵasyrlyq dástúrdiń bolashaǵyna qatysty alańdaýshylyq týǵyzady. Aýyl jastarynyń biri Mýrat Karasógúttiń sózinshe, Tazlarda temeki shekpeý qalypty ómir salty sanalady. Endigi mindet — osy ustanymdy kelesi urpaqqa jetkizip, ata-babadan qalǵan dástúrdi saqtap qalý.
