Gonkongta 28 tonna pil súıegi joıylǵaly jatyr
ASTANA. 24 qańtar. QazAqparat - Gonkong bıligi brakonerlerden tárkilengen 28 tonna pildiń súıegi men odan jasalǵan buıymdardyń kózin joıýdy josparlap otyr.
Eldiń tabıǵatty qorǵaý uıymdary memleket tárkilegen súıekterdiń kózin joıý týraly másele kótergenine birneshe jyl boldy. 1990 jyldan beri pildiń súıegin saýdalaýǵa zańmen tyıym salynǵanyna qaramastan, «qara bazarda» quny qymbat súıekterdi satý Gonkongta qalypty jaǵdaıǵa aınalǵan.
Brakonerlerdiń qylmysy Afrıkadaǵy pilderdiń kúrt azaıýyna soqtyryp otyr, deıdi Gonkong basshylyǵy.
Búginde tárkilengen súıekterdi saqtaıtyn qoıma lyq tolǵandyqtan, 28 tonna súıek pen súıekten jasalǵan baǵaly buıymdardyń kózin joıý týraly sheshim qabyldandy. Osy maqsattaǵy jumys 2014 jyldyń ekinshi jartysynda bastalady dep kútilýde. Qoımadaǵy buıymdardyń kóptigi sonsha, ony joıýǵa 1-2 jyl ýaqyt ketedi.
