Gonkongta 12 jastaǵy qyz 120 sekýndta alqa urlaǵan
ASTANA. QazAqparat - On eki jastaǵy qyz Gonkongtaǵy zergerlik dúkennen quny 36 mıllıon ıýandy (5,78 mıllıon dollar) quraıtyn alqany urlady dep seziktelýde, dep habarlady RIA Novostı.
China Daily atap ótkendeı, oqıǵa juma kúni kúnniń ekinshi jartysynda bolǵan. Beınebaqylaý kameralary túsirgen jazbany qaraǵanda dúkenge er adam men úsh áıel, sonyń ishinde 12-14 jastaǵy qyz kirgeni anyqtalǵan. Januıa retinde kelgende zergerlik buıym tańdap jatqandaı bolǵanda, qyz satýshynyń ornyna kelip, qymbat alqa turǵan sóreniń kiltin alyp, asyl zatty qoldy etken. Bul úshin kishkentaı qyzǵa 120 sekýnd ýaqyt qana kerek bolǵan eken. Keıin ol dúkennen shyǵyp, taksımen ketken, dep jazdy gazet.
Sybaılastary bolsa 40 mınýttan keıin dúkennen shyqqan. Sodan keıin ǵana satýshylar asyl zattyń joǵalǵanyn baıqap, polıtsııa shaqyrtady. Urlyq faktisi boıynsha tergeý bastaldy.
