Gonkongqa «Hato» tropıkalyq daýyly tónip keledi
ASTANA. QazAqparat - Gonkongta Tynyq muhıty jaqtan «Hato» tropıkalyq tsıklonynyń jaqyndap kele jatqanyna baılanysty turǵyndarǵa aldyn ala eskertý berilgen. Daýyl bir táýlikke jetpeı megapolıske jaqyndaıdy dep kútilýde. Bul týraly búgin jergilikti meterologııa qyzmeti habarlady, dep jazady TASS.
«Hatonyń» qazirgi traektorııasyna baılanysty joramaldarǵa sensek, ol Gonkongqa sársenbi kúni tańerteń keledi.Onyń epıtsentri qaladan 100 km-den de az radıýsta bolýy múmkin», - deıdi meterologııa qyzmeti.
Qazirgi ýaqytta tsıklon Taıvan men Lýson atty soltústik Fılıppın araldarynyń arasynda qaharyna minip tur. Quıyn soltústik-batys baǵytta qozǵalýda. «Hato» tropıkalyq nóser men jyldamdyǵy 30 m/s-ǵa deıin jetetin daýyldy alyp kele jatyr. Daýyl sharpyp ótetin aýmaqqa Gýandýn ońtústik qytaı provıntsııasy men Makao aýdany da enip tur.
