Gonkong jergilikti aýrýhanalarǵa qurlyqtaǵy Qytaıdan keletin júkti áıelderdi qabyldaýǵa tyıym saldy
BEIJІŃ. 5 sáýir. QazAqparat /Rýslan Súleımenov/ - Gonkong jergilikti qoǵamdyq aýrýhanalardyń dárigerlerdiń qabyldaýyna syrttan kelgen júkti áıelderdi jazýǵa tyıym saldy, dep habarlady Sıangannyń azyq-túlik jáne densaýlyq saqtaý isteri jónindegi basqarmasynan.
Bul jańalyq sońǵy jyldary Sıanganda eldiń qurlyqtaǵy bóliginen kelgen áıelderdiń bala týý oqıǵalarynyń ósý úrdisimen baılanysty qolǵa alynyp otyr. Statıstıkalyq málimetter boıynsha, eger 2004 jyly áıelder Sıanganda 13 myń balany dúnıege ákelse, 2010 jyly bul kórsetkish 40 myńnan asqan.
Sıangan arnaıy ákimshilik ólkesiniń zańy boıynsha, Mıanganda dúnıege kelgen bala avtomatty túrde Mıangannyń turaqty turǵyny bolyp sanalady. Osyny arqa tutqan kóptegen áıelder bala týý úshin qurlyqtan Sıanganǵa aǵylady. Ólke ákimshiliginiń statıstıkasy boıynsha, 2010 jyly Sıanganda 88 myńǵa jýyq bala dúnıege kelgen, onyń 41 myńnan astamyn qurlyqtaǵy Qytaıdan kelgen áıelder týǵan.
