Gonkong turǵyndary jol apaty bolǵan jerden 4,5 mln AQSh dollaryn qoldy etti
ASTANA. QazAqparat - Qytaıda oryn alǵan jol apatynyń arqasynda jurt ońaı oljaǵa kenelmek bolǵan.
Gonkong kósheleriniń birinde avtokólikter soqtyǵysyp, onyń bireýiniń ishinde jatqan aqshalar syrtqa shashylǵan. Oqıǵa ornynda bolǵan adamdar japatarmaǵaı banknottarǵa bas salyp, jalpy somasy 4,5 mln AQSh dollaryn qoldy etken. Keıin jol apaty bolǵan jerge polıtseıler jetip, bassyzdyqty toqtatty. Quqyq qorǵaý organdary ókilderi turǵyndarǵa bul áreket aýyr qylmys retinde baǵalanyp, ol úshin qatań jaza qarastyrylatynyn eskertip, aqshany qaıtarýdy buıyrǵan, dep habarlaıdy 24.kz .
