Gonkong tumaýy jańa shtamm emes — DSM

ASTANA. KAZINFORM — Densaýlyq saqtaý mınıstriniń birinshi orynbasary Tımýr Sultanǵazıev ortalyq kommýnıkatsııalar qyzmetinde ótken baspasóz máslıhatynda Gonkong tumaýy jańa shtamm emes ekenin málim etti.

— Keıingi kezde áleýmettik jelide Gonkong tumaýy degen vırýstyń tarap jatqany týraly qaýeset tarap jatyr. Bul el arasynda tumaýdyń jańa nemese erekshe shtamy paıda boldy degen qate túsinik qalyptastyrady. Osyǵan baılanysty resmı túsinikteme bergim keledi. Gonkong tumaýy dep júrgen AH3N2 vırýsy jańa vırýs emes. Ol alǵash ret 1968 jyly tirkelip, sodan beri únemi aınalymda bar. Qazaqstan aýmaǵynda kóptegen jyl boıy bar. Onyń taralý kezeńi qalypty tumaý maýsymynyń bir bóligi. Tumaýdyń aınalymy bıyl qazan aıynyń alǵashqy jartysynda bastaldy. Bul byltyrǵy epıdmaýsymnan sál erterek. Tumaýdyń Qazaqstan aýmaǵynda buryn tirkelmegen jańa túri anyqtalǵan joq, — dedi ol.

Vıtse-mınıstr bul tumaýdyń aldyn alý úshin vaktsına saldyrýǵa bolatynyn eske saldy.

— Bıylǵy maýsymda anyqtalǵan shtamdardyń bárine ekpe bar. Tumaý aýyr ótpeý úshin vaktsına saldyrý tıimdi shara bolyp esepteledi, — dep túıindedi ol.

Buǵan deıin Densaýlyq saqtaý mınıstri Aqmaral Álnazarova bıyl vırýstardyń órshýi jeltoqsannyń ortasyna deıin jalǵasýy múmkin ekenin aıtqan edi.