Gonkong polıtsııasy quny $22 mln esirtki partııasyn tárkiledi

GONKONG. QazAqparat – Gonkong polıtsııasy osy jyldyń eń iri eskirtki partııasyn tárkiledi. Esirtki 82 keli geroındi qosqanda 178 kelini quraıdy. Bul týraly dúısenbi kúni The Standard jergilikti gazeti habarlady.

Іshinde metamfetamın men ketamın bolǵan esirtkilik zattar qalanyń qurlyqtyq bóliginde qoımadan tabylǵan. Olar jemis shyryndarynyń birneshe júzdegen bótelkelerine bólinip salynǵan. Qara naryqtyń baǵasy boıynsha zańsyz taýardyń jalpy quny $22 mln dep baǵalanyp otyr.

Osy is boıynsha eki kúdikti ustaldy – olar Pákistan men Bangladesh týmalary. Tergeýshiler bul júk Gonkong naryǵyna arnalmaǵan dep boljap otyr. Ol Qytaıdyń arnaıy ákimshilik aýdany arqyly úshinshi elge jetkizilmek bolǵan. Tártip saqshylary onyń jiberýshisi men qabyldap alýshylardy anyqtap jatyr.