Gonkong onlaın-taksı qyzmetterin rettemek
ASTANA. KAZINFORM – Gonkong bıligi Uber sııaqty onlaın-taksı agregatorlarynyń qyzmetin zańmen retteýdi usyndy. Bul týraly Kazinform Reuters agenttigine silteme jasap habarlaıdy.
Bul bastama dástúrli taksı sektorynyń tabysy azaıyp, naryqtaǵy teńsizdikke shaǵymdanýyna baılanysty kóterilgen.
Usynylǵan zań jobasyna sáıkes, onlaın-platformalar mindetti túrde lıtsenzııa alýǵa jáne birqatar talapty oryndaýǵa tıis. Ruqsatsyz qyzmet kórsetkenderge aıyppul men bas bostandyǵynan aıyrý jazasy qarastyrylǵan.
Uber jolaýshylar qaýipsizdigin arttyrýǵa baǵyttalǵan sharalardy qoldasa da, avtokólik sanyna shekteý qoıý tabysqa keri áser etýi múmkin dep sanaıdy. Agregatordyń júrgizgen saýalnamasy boıynsha, Gonkongtegi júrgizýshilerdiń 80%-y qatań kvota men joǵary lıtsenzııalyq alymdardan qaýiptenedi.
Gonkong ákimshiliginiń basshysy Djon Lı onlaın-servıster men dástúrli taksı qyzmetiniń qatar ómir súrýine jaǵdaı jasaý qajet ekenin aıtty.
Kvota júıesi boıynsha naqty usynystar 2026 jyldyń alǵashqy jartysynda usynylady. Al qajetti zańnamalyq túzetýler bıyl úshinshi toqsanda engizilýi múmkin.
Aıta keteıik, Gonkongtan Astana men Almatyǵa reıster ashylýy múmkin.