Gonkong metrosynda eki poıyz soqtyǵysty
ASTANA. QazAqparat - Gonkong metrosynda eki poıyz soqtyǵysyp, mashınıster zardap shekti, dep habarlaıdy QazAqparat RTHK korporatsııasyna silteme jasap.
«Apat jańa dabyl júıesin synaqtan ótkizý kezinde qalanyń bıznes ortalyǵynda ornalasqan «Sentral» stansasynyń mańyndaǵy jerasty jolynyń «qyzyl» jolaǵynda bolǵan. Soqtyǵysý nátıjesinde poıyzdardyń bireýi relsten shyǵyp, vagondary qırady», delingen habarlamada.
MTR korporatsııasynyń temirjol tasymaly operatorlarynyń habarlaýynsha, oqıǵa saldarynan Gonkongti qalanyń qurlyqtaǵy bóligimen baılanystyratyn kórshiles «Sentral» jáne «Edmıreltı» stansalarynda poıyz qozǵalysy ýaqytsha toqtatyldy.
