Gonkong qaterli isikti erte anyqtaýǵa arnalǵan DNQ testin ázirlep jatyr
ASTANA. KAZINFORM — Gonkongtaǵy Qytaı ýnıversıtetiniń (CUHK) ǵalymdary onkologııalyq aýrýlar skrınıngine arnalǵan qan taldaýynyń ınvazıvti emes ádisin ázirleý ústinde. Eki jyl ishinde iske qosylýy josparlanǵan jańa tehnologııa patsıentterge aýyr bıopsııadan aýlaq bolýǵa múmkindik beredi, dep habarlaıdy South China Morning Post.
Ádis qandaǵy DNQ mólsherin taldaýdy qamtıtyn fragmentomıkaǵa negizdelgen. CUHK professory Allen Chen Tszıýntsy qaterli isik jasýshalary bóletin molekýlalar saý tinderdiń DNQ-synan aıtarlyqtaı qysqa ekenin túsindirdi. Bul aıyrmashylyq aýrýdy joǵary dáljikpen anyqtaýǵa múmkindik beredi.
Test júıesi bastapqyda baýyr men qýyq asty beziniń qaterli isigin anyqtaýǵa arnalǵan. Onyń dáldigi 80-90% aralyǵynda baǵalanyp otyr. Avtorlar taldaýdy tabysy tómen aımaqtarǵa qoljetimdi etýdi maqsat etńp, onyń qunyn bastapqy 255 dollardan aıtarlyqtaı tómendetýdi josparlap otyr.
Bul top buǵan deıin Daýn sındromyn anyqtaý úshin prenataldy testileýdi engizgen bolatyn, ol qazir búkil álemde qoldanylady. Olardyń taǵy bir ázirlemesi — muryn-jutqynshaq qaterli isigin anyqtaý úshin 97% dáldikpen testileý Gonkongtaǵy barlyq memlekettik aýrýhanalarda eki jyldan beri qoldanylyp keledi.
Osyǵan deıin Almatyda onkologııalyq aýrýlardy erte anyqtaý jumystary kúsheıtilip jatqanyn jazdyq.
Al eldegi balalar onkologııasynda zamanaýı emdeý ádisteri engizilip jatyr.
