Gonkong - 2017 jyly týrıster eń kóp barǵan qala atandy
ASTANA. QazAqparat - Gonkong 2017 jyly saıahatshylar arasynda eń tanymal qalalardyń reıtınginde birinishi orynǵa ıe boldy. Toǵyz aıdyń ishinde bul qalaǵa 25,7 mln adam barǵan, buǵan Euromonitor International analıtıkalyq kompanııasynyń jarııalaǵan málimdemesindegi kórsetkishter dálel bola alady, dep habarlaıdy TASS.
Gonkongtan basqa adamdar jıi keletin qalalardyń ondyǵynda Bangkok (23 mln adam), London (19,8 mln adam), sondaı-aq Sıngapýr, Makao, Dýbaı, Parıj, Nıý-Iork, Shenchjen men Kýala-Lýmpýr bar.
Euromonitor International - ónimder men qyzmet kórsetýlerge taldaýlar men zertteýler júrgizetin brıtandyq analıtıkalyq kompanııa. Eń tanymal qalalardyń reıtıngi jyl saıyn álemdegi 100 qalanyń sońǵy on jyl ishindegi derekteri negizinde jasalynady. EI sarapshylary qandaı da bir qalada 24 saǵattan astam ýaqyt ótkizgen týrıster deregin esepke alady.
