Gonkongtyq 51 qutqarýshy Mıanmaǵa bardy

GONKONG. KAZINFORM — Qytaıdyń Gonkong arnaıy ákimshilik aımaǵy (Sıangan) bıligi jóneltken qutqarý toby keshe túnde ıAngonǵa bardy. Gonkondyqtar Mıanmanyń apat aımaǵyndaǵy izdeý-qutqarý jumystaryna jergilikti toptarǵa qosylady. Bul týraly China Daily gazeti habarlady, dep jazady TASS.

Qala bıligi buǵan deıin taratqan baspasóz habarlamasynda atap ótkendeı, jasaq quramynda 51 adam bar. Bul qalalyq órtke qarsy qyzmet basqarmasynyń 40 qyzmetkeri, sondaı-aq dárigerler, eki izdestirý ıti bar kınologtar jáne basqa da mamandar. Sondaı-aq Gonkongtan Mıanmaǵa toǵyz tonnaǵa jýyq túrli tehnıka jetkizildi.

Aıta keteıik, Mıanmada 28 naýryzda kúshti jer silkinisi boldy. Taıland meteorologııalyq departamentiniń málimeti boıynsha, onyń magnıtýdasy 8,2 boldy. Jer silkinisinen qaza tapqandar sany 1600-den asty. Jer silkinisinen Taıland ta zardap shekti, jer asty dúmpýleri Qytaı men Vetnamda sezildi.

Sonymen qatar Bangkoktaǵy jer silkinisinen qaza tapqandardyń sany 17 adamǵa jetti, 32 adam jaralandy, 83 adam iz-túzsiz joǵaldy.