Gongkongte musylmandar sany artyp, meshit jetispeýshiligi baıqalýda
ASTANA. 6 qańtar. QazAqparat - Gonkong musylmandarynyń jetekshisi Muhammed Arshad, úkimetti Gonkongta meshitter men ıslam mádenı ortalyqtaryn kóptep ashýǵa shaqyrdy.
Onyń bulaı áreket etýine sońǵy ýaqytta aralda qatary artyp kele jatqan musylmandarǵa dinı amaldaryn oryndaıtyn oryndardyń tarshylyq etýi men jetispeýshiligi sebep bolyp otyr. Bul týraly Áziret Sultan meshitiniń muslim.kz saıty habarlaıdy.
Derekke qaraǵanda, Gonkong úkimeti meshit qurylysyna jer bólgenimen ony turǵyzýǵa qarajattyń joqtyǵy qolbaılaý bolyp otyr.
Al qazirgi tańda Gonkong musylmandarynyń sany jarty mıllıonnan asypty. Olardyń kópshiligin kúnkóris izdep kelgen ındonezııalyqtar quraıdy eken. Sonymen birge, Pákistan, Bangladesh jáne Batys Afrıka sııaqty elderden de kelgenderdiń qarasy kóp tárizdi.
