Gondýrastaǵy aıaq kıim fabrıkasynda 15 adam oqqa ushty
ASTANA. Qyrkúıektiń 8-i. QazAqparat - Qylmyskerler Gondýrastaǵy aıaq kıim fabrıkasyndaǵy jumyskerlerge qarsy oq atty, sonyń saldarynan 15 adam mert bolyp, taǵy 8 adam jaraqat aldy, dep habarlaıdy Associated Press jergilikti bılik ókilderine silteme jasap.
Kalashnıkov avtomatymen qarýlanǵan adamdar kólemi jaǵynan Gondýrastan keıingi San-Pedro-Sýla qalasyndaǵy shaǵyn aıaq kıim fabrıkasynyń ǵımaratyna basa-kóktep kirgen. Oqıǵa bolǵan sátte, fabrıkada 23 adam jumys jasap jatqan edi, solardyń 15-i qaza taýyp, qalǵandary jaralandy.
Túrli málimetterge qaraǵanda, fabrıkaǵa eki nemese tórt adam qastandyq jasaǵan. Qylmystyń sebebi ázirge anyqtalǵan joq. Gondýrastaǵy ulttyq polıtsııanyń resmı ókili San-Pedro-Sýladaǵy oqıǵany «qasaphana» dep baǵalady jáne quqyq qorǵaý organy qylmysty jedel túrde ashýǵa qolda bar múmkindiktiń bárin de paıdalanady, dep ýáde etti.
