Gondýrastaǵy ushaq apatynan qaza tapqandar sany 12-ge jetti

ASTANA. KAZINFORM – Gondýrastyń batysyndaǵy Roatan aralynda ushaq apatynan qaza tapqandar sany 12 adamǵa jetti. Bul týraly Gondýras ulttyq polıtsııasy áleýmettik jelide habarlady, dep jazady Report.

– Roatan aralyndaǵy ushaq apatynan 12 adam qaza taýyp, beseýi aman qaldy, – delingen habarda.

Qazirgi ýaqytta qutqarýshylar ushaq bortynda bolǵan taǵy bir adamdy izdestirip jatyr.

Buǵan deıin Gondýrastyń batysyndaǵy Roatan aralyndaǵy aerodromnan ushyp shyǵyp, keıin kóp uzamaı ushaq teńizge qulap, kem degende alty adam qaza tapqanyn habarlaǵan edik.

Polıtsııa sondaı-aq, «33 jolaýshyǵa arnalǵan Jetstream 41 úlgili ushaǵy ushý kezinde mehanıkalyq aqaýǵa tap bolyp, apatqa ushyraǵanyn» málimdegen. Ushaq ushý-qoný jolaǵynan shamamen bir shaqyrym jerde teńizge qulaǵan.