Gondýrasta sot eks-prezıdenttiń áıelin 58 jylǵa bas bostandyǵynan aıyrdy
NUR-SULTAN. QazAqparat – Sot sársenbi kúni Gondýrastyń burynǵy prezıdenti Porfırıo Lobonyń áıeli Rosa Elena Bonılıany 58 jylǵa bas bostandyǵynan aıyrdy. Bul týraly Reuters agenttigi respýblıkanyń Joǵarǵy sotynyń ókili Karlos Sılvanyń málimdemesine silteme jasap habarlady.
«Burynǵy birinshi hanym Rosa Elena Bonılıa aqshalaı qarajatty jymqyrý jáne alaıaqtyq jasaǵany úshin 58 jylǵa sottaldy», - dedi Sılva.
52 jastaǵy Bonılıanyń advokaty qorǵaýyndaǵy áıeldiń kinásiz ekendigin jáne Joǵarǵy sotqa apellıatsııa beriletinin málimdedi.
Eks-prezıdenttiń jubaıy 2018 jyldyń aqpan aıynyń sońynda ustalǵan edi. Gondýras prokýratýrasy oǵan túrli áleýmettik baǵdarlamalardy júzege asyrýǵa baǵyttalǵan $700 myń qarjyny ıelendi dep kiná taqty.
Lobo Ortalyq Amerıka Respýblıkasyn 2010-2014 jyldary basqardy.
