Gondýrasta avtobýs órt sóndirý kóligimen soqtyǵysyp, 17 adam qaza tapty, ishinde 6 bala bar
ASTANA. QazAqparat - Juma kúni Gondýrastyń soltústiginde bolǵan jol-kólik apatynda kem degende 17 adam qaza tapty, 14-i jaraqat aldy. Jergilikti bılik habarlaǵandaı, Ioro departamentinde jolaýshylar avtobýsy órt sóndirý kóligimen soqtyǵysqan.
Qaza tapqandardyń ishinde 6 bala bolǵany anyqtaldy. Úsheýi San-Pedro-Sýla qalasynyń aýrýhanasynda kóz jumdy. Japa shekkenderdi qaýipsiz jerge shyǵarý úshin tikushaq paıdalanyldy.
Nusqalardyń birine sáıkes, júrip bara jatqan avtobýs aýdarylyp, órt sóndirý kóligine soǵylǵan. Al ózge málimetterge qaraǵanda, avtobýs júrgizýshisi belgisiz bir sebeptermen kólikti basqara almaı qalǵan. Quzyrly organ oqıǵanyń anyq-qanyǵyn anyqtaýǵa kiristi, dep habarlady TASS.
