Gondýras jaǵalaýynda keme apatqa ushyrap, 26 adam ajal qushty
NUR-SULTAN. QazAqparat - Gondýras jaǵalaýynda balyq aýlaıtyn kemeniń apatqa ushyraýy saldarynan kem degende 26 adam qaza tapty. Bul týraly sársenbi kúni La Tribuna gazeti respýblıkanyń qarýly kúshteriniń ókili Hose Domıngo Mesýge silteme jasap habarlady.
Onyń deregi boıynsha, keme bortynda barlyǵy 73 adam bolǵan. Sonyń ishinde 47-si qutqarylǵan.
Longýstardy aýlaýmen aınalysatyn keme Grasııas-a-Dos departamentiniń soltústik baǵytynda sýǵa batqan. Qutqarý operatsııasy jergilikti ýaqytpen sársenbi kúni tańerteń bastalǵan.
Kemeniń nelikten apatqa ushyraǵany ázirge belgisiz.
