Gondýras túrmesindegi órttiń saldarynan qaza tapqandar sany 272-ge jetýi múmkin
ASTANA. 15 aqpan. QazAqparat - Gondýras túrmeleriniń birinde iri órt bolyp, sonyń saldarynan qamaýdaǵy ondaǵan adam qaza tapty, taǵy 40 adam jaraqattandy, dep habarlaıdy RBK.
Gondýras ulttyq penıtentsıarlyq júıesiniń basshysy Danılo Orellana órttiń 15 aqpan, sársenbige qaraǵan túni Komaıagýa qalasynda ornalasqan túrmede paıda bolǵanyn aıtyp berdi. Resmı emes málimetter boıynsha, órt saldarynan qaza tapqan adamdar sany 272-ge deıin jetýi múmkin.
Qazirgi kezde eldegi bılik bolǵan oqıǵa boıynsha tergeý júrgizýmen aınalysa bastady. Qazir oqıǵanyń bolýynyń eki nusqasy bar: órt qamaýdaǵy adamdar jasaǵan tártipsizdik saldarynan, nemese toktyń qarapaıym qysqasha tuıyqtalýy saldarynan paıda boldy.
Gondýras astanasynan soltústikke qaraı 140 shaqyrym jerde ornalasqan janyp ketken túrmede kem degende 800 tutqyn boldy. Ókimet oryndary olardyń órt kezinde qashyp ketýinen qorqyp otyr.
