Gondýras prezıdentiniń tikushaǵy djýnglıge apattyq jaǵdaıda qondy

ASTANA. KAZINFORM – Gondýras prezıdenti Sıomara Kastro mingen tikushaq eldiń ortalyǵyndaǵy djýnglıge apattyq jaǵdaıda qondy, dep habarlaıdy Sınhýa aqparat agenttigi. 

Tikushaq seısenbi kúni Kortes departamentindegi Santa-Krýs-de-Iohoa taýly aımaǵynda nashar kórinýge baılanysty shuǵyl qondy. Bul týraly el úkimeti málimdedi.

Zardap shekkender týraly málimet joq.

El Heraldo habarlaýynsha, Sıomara Kastro qalyń tumanǵa baılanysty nashar kóriný jaǵdaıynda ekıpaj bastapqyda San-Pedro-Sýlaǵa qaıtýdy josparlaǵanyn, alaıda keıin ushaqty djýnglıge qondyrý týraly sheshim qabyldaǵanyn baıandap berdi.

Ázerbaıjan Pákistannan joıǵysh ushaqtar alyp, elge $2 mlrd ınvestıtsııa salatynyn jazǵan bolatynbyz.