Gondýras prezıdenti men onyń zaıyby koronavırýs juqtyrdy
TEGÝSIGALЬPA. QazAqparat – Gondýras prezıdenti Hýan Orlando Ernandes ózinen jáne zaıybynan koronavırýs anqtalǵanyn málim etti, dep habarlaıdy QazAqparat CNN-ge silteme jasap.
«Demalys kúnderi ózimdi jaısyz sezindim. Al búgin maǵan COVID-19 dıagnozy qoıyldy», - dep málimdedi Ernandes halyqqa joldaǵan teleúndeýinde.
Prezıdent ózinde syrqattyń jeńil belgileri bar ekenin jáne em qabyldap jatqanyn aıtty. Sondaı-aq ol dárigerlerdiń baqylaýynda bolyp, tikeleı mindetterin óz úıinde qashyqtan oryndaıtynyn rastady.
H.Ernandes jańa vırýsty juqtyrǵan Latyn Amerıkadaǵy alǵashqy prezıdent.
Onyń zaıyby, Gondýrastyń birinshi hanymy Ana Garsııa jáne prezıdenttiń eki kómekshisi de koronavırýske shaldyqqan.
Ana Garsııada indet sımptomdary joq. Biraq dıagnoz anyqtalǵannan keıin ol úıinde oqshaýlanǵan.
Búginde Djons Hopkıns ýnıversıtetiniń málimeti boıynsha, elde koronavırýs juqtyrǵan 10 299 jaǵdaı tirkelgen. Gondýrasta jańa vırýstan 336 adam kóz jumdy.
