Gomes: GGG-Kanelo revanshy boıynsha 2 mańyzdy másele qaldy
«Biz kelissózderdi aıaqtaýǵa jaqynbyz. Kelisimniń eki tarmaǵy ǵana qaldy. Biz ony áli talqylap jatyrmyz. Biraq kez kelgen jekpe-jekte dál osy eki tarmaq úlken mańyzǵa ıe. Ol detaldar jekpe-jektiń ótpeı qalýyna da sebep bolýy ábden múmkin. Degenmen, biz jaqynbyz, aqyryndap jyljyp kelemiz. Tom Lefflermen únemi baılanystamyn. Biz qoldan keletinin isteımiz. Biraq bizge abaılap áreket etý kerek», - dedi E.Gomes Sports saıtyna bergen suxbatynda.
Al Tom Lefflerdiń sózine qaraǵanda, sońǵy sheshimdi Gennadıı Golovkınniń ózi qabyldaıdy. Sebebi ol sońǵy sharttarǵa óz kelisimin berýi kerek.
«Biz Golden Boy-dyń sońǵy sharttaryna kelisemiz be, joq pa, sony pysyqtaý qajet. Endi, revansh bolady dep naqty aıta almaımyn. Degenmen, Erık Gomespen sóılestim, únemi baılanystamyz. Biz kelisimdi aıaqtaýǵa jaqyndap qaldyq. Alaıda ondaıda bárin kelisip, qol qoımasań, neshe túrli jaǵdaılar bolýy múmkin. Kelissózderdi aıaqtamaıynsha revanshty jarııalaı almaımyz», - dep atap kórsetti T.Leffler.
Aıta keteıik, Olımpıada chempıony Serik Sápıev te revanshqa qatysty óz oıyn bildirdi. Onyń oıynsha, qazirgi kezde kelissózderge jekpe-jekti ótkizý orny men gonorardy bólisý sııaqty eki másele kedergi jasap otyr.
