Golýbev: Otandyq tennısti damytý jobasynyń bir bólshegi sezinemin
ASTANA. QazAqparat - President's Cup úsh dúrkin jeńimpazy Andreı Golýbev Qazaqstan týrnırge básekege qabiletti quramany shyǵardy dep esepteıdi. Bul týraly elorda ákimdiginiń medıa ortalyǵy habarlady.
«Bizdiń týrnırimizdiń deńgeıi ósýde, quramy jyldan jylǵa kúsheıýde, qatysýshy elder geografııasy keńeıýde. Týrnır qazaqstandyq tennıs úshin aıtýly oqıǵaǵa aınaldy. Bizdiń komanda quramy jaqsy. Eń bastysy, qyzdarymyz ben uldarymyz óte kóp. Olar reıtıngisi joǵarysportshylarmen kúsh synasa alady», - dedi A.Golýbev. Tennısshi «Prezıdent Kýbogy - 2017» týrnırine qazaqstandyq sportshylardyń daıyndyǵyna qatysty osylaı málim etti.
Ol Qazaqstanda tennıstiń damýyna memleket tarapynan úlken qoldaý kórsetilip jatqanyn aıtty.
«Qazaqstannyń ár aımaǵynda tennıs ortalyqtary salynǵan. Elimizde kóńil bólip otyrǵan eń mańyzdy aspekt - balalar tennısin damytý. Eresekter men balalar úshin jattyqtyrýshylar quramy qurylýda», - deıdi tennısshi.
2008 jyly reseılik bir top tennısshilermen birge (Ksenııa Pervak, ıAroslava Shvedova, Galına Voskoboeva, Mıhaıl Kýkýshkın, Andreı Golýbev jáne Evgenıı Korolev) azamattyǵyn aýystyryp, Qazaqstan atynan shyǵa bastady.
A.Golýbevtiń sózinshe, ol jáne ózge de tennısshiler óz tańdaýlary úshin ókinbeıdi.
«Qazaqstan tarapynan tennıs pen tennısshilerge degen qoldaý joǵary ekenin atap ótkim keledi. Biz, bir top jas reseılik tennısshiler bul elge kelgende ózimizdi sportty damytý boıynsha úlken jobanyń bir bólshegi retinde sezindik. Men úshin jáne ózge de sportshylar úshin bul jobanyń bólshegi bolý óte mártebeli dep aıta alamyn. Biz muny qatty baǵalaımyz. Qazaqstan tennısiniń qalyptasýyna jáne damýyna ózimizdiń kishigirim úlesimizdi qosyp jatqanymyzdy bilý - janymyzdy jadyratady. Qazaqstanǵa kelgenime esh ókingen emespin», - dep aǵynan jaryldy Andreı Golýbev.
Buǵan deıin habarlanǵandaı, búgin ulttyq tennıs ortalyǵynda repýblıkalyq tennıs federatsııasynyń uıymdastyrýymen«Prezıdent Kýbogy - 2017» halyqaralyq týrnıriniń ashylýy ótti.
ATP Challenger jáne ITFWomen's serııasynyń jarysy Qazaqstan Astanasynda osymen 19 ret ótkizilýde.
Qazaqstan Prezıdent Kýbogyn 50-den astam elden kelgen 200-den astam sportshy sarapqa salady. Onyń ishinde TOP-100 álemdik reıtıngisine engen birneshe tennısshi bar.
Jarystyń júlde qory - $225 000. Bas júldege áıelder men erler talasady.
Qazaqstan namysyn Astana kortynda Mıhaıl Kýkýshkın, Andreı Golýbev, Dmıtrıı Popko, Aleksandr Býblık, Anna Danılına jáne Kámıla Kerimbaeva qorǵaıdy.
Ár jyldary President's Cup-ta qazaqstandyq Andreı Golýbev (úsh márte) Mıhaıl Kýkýshkın jáne Galına Voskoboeva (juppen) jeńgen bolatyn.
