Golýbev álemdegi úzdik 25 tennısshiniń qatarynda bolýy tıis - Federer
ASTANA. QazAqparat - Shveıtsarııalyq tennısshi Rodjer Federer Qazaqstan quramasymen ótkizgen Devıs kýbogynyń shırek fınaldyq kezdesýinen keıin qarsylastarynyń jeke reıtıngisine mán bermegendigin atap ótti.
Bul týraly Vesti.kz habarlady.
«Qazaqstandyqtardan eki jeńilisimiz meni ashýlandyrǵan joq, sebebi meniń ómirimde basqa jáıttar ókinish ákeledi. Biz qarsylas komandanyń jekeleı synda bolsyn, juptyq saıysta bolsyn óz quramyndaǵy oıynshylardy ońaı aýystyra alatynyn bildik. Reıtıng bir jylda atqarǵan jumysyńdy ǵana kórsetedi, Devıs kýbogynda ol ekinshi kezektegi másele. Mysaly, Andreı Golýbev óz reıtıngisine tipti saı kelmeıdi, mundaı oıynymen ol álemdegi eń úzdik 25 tennısshiniń qatarynda bolýy tıis edi. Qazaqstan quramasy óte úlken jumys atqarypty, bizge olarmen oınaý ońaıǵa túsken joq», - deıdi R.Federer.
Match sońynda ótken baspasóz máslıhatynda R.Federer Shveıtsarııaǵa jeńis ákelgenine qýanyshty ekendigin de jasyrmady.
«Men sońǵy eki matchta jeńiske jetkenimizge jáne Stanıslastyń óz babyna qaıta oralǵanyna qýandym. Osy demalystarda ótken kezdesýler meniń aıyzymdy qandyrdy», - dedi álemniń 4-shi raketkasy.
