Golovkınniń jeńisi otandyq boks mektebiniń bedelin taǵy bir márte kóterip tastady - T.Qulybaev
ASTANA. QazAqparat - Qazaqstan boks federatsııasynyń prezıdenti Tımýr Qulybaev qazaqstandyq boksshy Gennadıı Golovkındi kezekti jeńisimen quttyqtady.
«Domınık Ýeıdpen ótken kezdesý ýaqyty elimizde tańerteń erte kórsetilgenine qaramastan, myńdaǵan qazaqstandyq jankúıerler ony taǵatsyzdana kútip, muqııat qarap otyrdy. Siz jankúıerlerdiń úmitin aqtap, buǵan deıin sharshy alańda jeńilip kórmegen sportshyny tize búktirdińiz. Rıngtegi bul jeńis otandyq boks mektebiniń, tutastaı alǵanda qazaqstandyq sporttyń bedelin odan da joǵary kóterip tastady», - dedi T.Qulybaev.
Budan bólek, federatsııa prezıdenti qazaqstandyq sportshyǵa jańa belesterden kórinýin, baıraqty básekelerde tabysty bolýyn tiledi.
