Golovkınniń jattyqtyrýshysy onyń «Kanelomen» aıqastaǵy artyqshylyǵyn atady

ASTANA. QazAqparat - Qazaqstandyq boksshy Gennadıı Golovkınniń (37-0, 33 KO) jattyqtyrýshysy Abel Sanches SecondsOut-ke bergen suhbatynda Golovkın-Saýl Alvares jekpe-jegine qatysty pikirin bildirdi, dep habarlaıdy Sports.kz.

«Orta salmaqtaǵy bul jekpe-jek - Hagler, Hırns, Dýran syndy uly boksshylardyń aıqasymen parapar. Biz bul jekpe-jekte jankúıerlerimizdiń kóńilinen shyǵý úshin bar múmkindigimizdi jumsaımyz. «Kanelo» - myqty qarsylas, qolynyń jyldamdyǵy keremet, al Golovkınniń artyqshylyǵy - «fızıkasynda». Bul joly «Kanelo» aldyńǵy jekpe-jekterinen múlde basqasha aıqasady. Gennadıı de solaı. Ol Djeıkobspen bolǵan jekpe-jekten ózgeshe oıyn órnegin kórsetedi. Qarsylastar bir-birine múlde uqsamaıdy», - dedi Sanches.

Aıta keteıik, Golovkın men Alvares jekpe-jegi 16 qyrkúıek kúni Las-Vegasta ótedi.