Golovkınniń jattyqtyrýshysy «Kanelo» daýyna qatysty pikir bildirdi

ASTANA. QazAqparat - Qazaqstandyq boksshy Gennadıı Golovkınniń (38-0-1, 34 KO) jattyqtyrýshysy Abel Sanches meksıkalyq Saýl Alvarestiń (49-1-2, 34 KO) sporttan shettetilýine qatysty pikir bildirdi, dep habarlaıdy Sports.kz.

Sanches AQSh-tyń Nevada shtaty Atletıkalyq komıssııasynyń tártibimen boksshylardyń jaǵdaılary sporttan shettetilgen kezeń ishinde nege qadaǵalanbaıtyndyǵy týraly aıtty.

«Men osymen kelispeımin, bul týraly ereje de joq.  Jalpy aıtqanda dıskvalıfıkatsııalanǵannan bastap sportqa oralýyna deıingi kezeńde olar baqylaýdy joǵaltady. Bul degenińiz «Kanelo» taraby atalǵan kezeń ishinde komıssııa aldynda mindetti testileýden ótpeıdi degen sóz. Men bul suraqty qaıta-qaıta kóterip júrmin. Biraq oǵan eshkim jaýap bergisi kelmeıdi», - dedi Sanches.

Eske sala keteıik, Kanelonyń» dopıng synamasynan tyıym salynǵan zattyń tabylýyna baılanysty Gennadıı Golovkın pikir bildirip, Saýl Alvares shynaıy júzin kórsetti degen bolatyn. 

AQSh-tyń Nevada shtaty Atletıkalyq komıssııasynyń sheshimimen meksıkalyq boksshy Saýl Alvares dopıng qoldanǵany úshin alty aıǵa sporttan shettetildi.