Golovkınniń jattyqtyrýshysy: Ashyq túrde aıta alamyn, Andre Ýord - ótirikshi
ASTANA. QazAqparat - 17 qazan kúni Nıý-Iorkte (AQSh) WBA (Super) jáne WBC (Interim) nusqalary boıynsha orta salmaqtaǵy álem chempıony, 33 jastaǵy qazaqstandyq Gennadıı Golovkın IBF nusqasynda álem chempıony (osy salmaqta) 26 jastaǵy Davıd Lememen jekpe-jekke shyǵady.
Biraq Golovkınniń jattyqtyrýshysy Abel Sancheske sońǵy kezderi amerıkandyq Andre Ýord týraly suraqtarǵa jıi jaýap berýge týra kelip júr, dep habarlaıdy Sports.kz.
Sanchestiń aıtýynsha, Ýord Golovkın onymen judyryqtasýdan bas tartty degendi aıtyp, onyń esimi arqyly ózine pıar jasaýda.
«Bul shyndyqqa janaspaıdy. Andre - ótirikshi, men ol týraly ashyq túrde aıtyp otyrmyn. Ýordtyń barlyq málimdemeleri Lemege qarsy jekpe-jeke kelisimshartyna qol qoıǵan soń boldy. Bul jigit jekpe-jekke shyqqysy kelmeıdi, Golovkınniń esimin ol týraly eshkim umytpaýy úshin paıdalanyp otyr», - dedi A.Sanches.
