Golovkınniń janynda Abel Sanches nege kórinbeıdi

ASTANA. QazAqparat -WBA, WBCpen IBF tujyrymdary boıynsha álem chempıony Gennadıı Golovkın óziniń kelesi qarsylasy - meksıkalyq boksshy Saýl Alvarespen birge press-týrdy aıaqtap, London, Nıý-Iork pen Los-Anjeleste baspasóz máslıhattaryn ótkizdi. Alaıda osy joly onyń janynda bapkeri Abel Sanches kórinbedi. Jankúıerler arasynda onyń «Kanelonyń» komandasyna aýysyp ketkeni týraly áńgime taraı bastady, dep habarlaıdy QazAqparat tilshisi.

«Joq, men «Kanelonyń» komandasyna aýysqan joqpyn. Qyzyq, biraq ol ósek-aıandar shyndyqqa kelmeıdi. Men úshin keri sheginýdiń qajeti qansha? Gennadııdiń press-týry meniń ulymnyń toıymen tuspa-tus keldi. Qazir men sonda júrmin. Gavaı araldarynan birneshe aptadan keıin oralamyn. Sol kezde biz aldaǵy jekpe-jekke daıyndyq jumystaryn bastaımyz»,- dedi Abel Sanches Boxingscene.com saıtyna bergen suhbatynda.

Aıta keteıik, 16 qyrkúıekte Las-Vegastyń «T-Mobile Arena» sport kesheninde Golovkın men Alvares arasynda kópten kútken jekpe-jek ótedi. Ýaqyt aıyrmashylyǵyna baılanysty Qazaqstanda atalǵan jekpe-jek 17 qyrkúıekte tańǵy saǵat 9:00-de kórsetiledi.