Golovkınniń jankúıerleri shyńdardy baǵyndyrýda
ASTANA. QazAqparat - Kalıfornııada Gennadıı Golovkınniń amerıkalyq jankúıerleriniń biri Iosemıtsk ulttyq parkindegi taýlardyń birine shyǵyp, onda GGG fırmalyq kepkasyn sýretke túsirdi.
«GGG-men birge bıik shyńdardy baǵyndyrý. #KaneloGolovkın», - dep jazdy Lýka Mılısenda Tvıtterde.
Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn. Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.
