Golovkınniń yqtımal úsh aıqasy - 2017 jyly eń kóp tabys ákeletinder qatarynda
ASTANA. QazAqparat - Worldboxingnews.net brıtandyq saıty 2017 jyldyń eń tabysty jekpe-jekteriniń ondyǵyn jasady, oǵan kishi Floıd Meıvezer engen joq, dep habarlaıdy QazAqparat Sports.kz saıtyna silteme jasap.
Tizimge orta salmaqtaǵy álem chempıony qazaqstandyq Gennadıı Golovkınniń qatysýymen bolatyn birden úsh jekpe-jek endi. Boljamdy kezdesýlerdiń arasynda Mennı Pakıao men Saýl Alvarestiń jekpe-jegi eń tabysty bolatyny aıtylýda. Ekinshi orynda Gennadıı men Saýl «Kanelo» Alvares arasyndaǵy aıqas atalyp otyr.
«2017 jyldyń orta salmaqtaǵy basty jekpe-jegi Alvares pen Kottonyń kezdesýinen bergi mıllıondaǵan satylymǵa jaqyndaǵan pay-per-view oqıǵasy (Meıvezer men Pakıaosyz) bolýy múmkin», - dep aıtylady maqalada.
GGG-diń Mennı Pakıaomen kezdesýi úshinshi orynǵa ornalastyrylǵan.
Altynshy pozıtsııada - Golovkınniń Andre Ýordpen nemese Sergeı Kovalevpen bolatyn aıqasy tur.
«GGG Davıd Lememen bolǵan jekpe-jekte tıtýldy jeńip alǵannan keıin, kópshilik ony joǵary salmaqqa aýysatynyn qalady. Biraq, Kanelo ázirge orta sanatta qobaljyp turǵandyqtan Golovkınge kúte turýǵa týra keledi», - delingen maqalada.
