Golovkınniń tálimgeri onyń birinshi álem chempıony tıtýly týraly aıtyp berdi

ASTANA. QazAqparat - Qazaqstandyq boksshy Gennadıı Golovkın (38-0-1, 34 KO) óziniń kásibı mansabyndaǵy mańyzdy aıqastardyń birin 15 qyrkúıekte Las-Vegasta meksıkalyq boksshy Saýl Alvareske (49-1-2, 34 KO) qarsy ótkizedi, dep habarlaıdy QazAqparat Sports.kz-ke silteme jasap.

Qazaqstandyqty áýesqoı boksta jattyqtyrǵan bokstan Qazaqstan jastar quramasynyń bas bapkeri Ǵalym Kenjebaev Sports.kz saıtyna qazirgi tańdaǵy eń tanymal eki boksshynyń rematchyna barýdy josparlamaıtynyn aıtty.

«Josparlap otyrǵan joqpyn, sebebi men ol ýaqytta Býdapeshtte Álem jastarynyń chempıonatynda bolamyn. 18 jyl buryn osy jarysta Gennadıı Golovkın meniń basshylyǵymmen altyn medal alǵan bolatyn», - dep eske aldy maman.