Golovkınniń tabysy qalaı ósti

ASTANA. QazAqparat - Búgingi jekpe-jekke deıin Gennadıı Golovkınniń eń úlken gonorary 4 mln dollar bolǵan. Bir jyldyń ishinde atalǵan somma úsh esege ulǵaıyp otyr, dep xabarlaıdy QazAqparat tilshisi.

2013 jyly 19 qańtarda Golovkınniń amerıkalyq Gabrıel Rosadoǵa qarsy jekpe-jekten túsken tabysy 350 myń dollar boldy. Maýsym aıynda ırlandyq Metıý Maklınmen judyryqtasqany úshin týra sondaı gonorar aldy. Al jyldyń sońynda amerıkalyq Kertıs Stıvensti jeńgeni úshin GGG-diń tabysy 50 myń dollarǵa artyp, 400 myńdy quraǵan edi.

2014 jyly 26 shildede avstralııalyq Denıel Gıldy qulatqany úshin - 750 myń dollar, al qazanda Marko Antonıo Rýbıony nokaýtpen jeńgeni úshin 900 myń dollar utqan.

2015 jyldyń basynda Golovkınniń gonorary alǵash ret bir mıllıon dollardan asty. Sol kezde ol brıtandyq Martın Mıýrreıden basym tústi. Birneshe aıdan keıin kishi Vıllı Monrony sulatyp salǵany úshin 1,5 mln dollardy alyp ketti. Al kanadalyq Davıd Lemege qarsy shyqqany úshin Golovkın 2 mln dollar kólemindegi gonorarǵa qol jetkizgen. Amerıkalyq Domınık Ýeıdke qarsy jekpe-jekte aqsha jaǵynan kóp ózgeris bolǵan joq.