Golovkınniń sýreti The Ring jýrnalynyń muqabasyna shyqty

ASTANA. QazAqparat - Tanymal The Ring jýrnaly kezekti shyǵarylymyn aldaǵy Gennadıı Golovkın men Saýl Alvarestiń rematchyna arnap, muqabasyna qos boksshynyń sýretin jarııalady, dep habarlaıdy QazAqparat Sports.kz-ke silteme jasap.

Jýrnal muqabasynda Golovkın men «Kanelonyń» bir-birimen kóz atysyp turǵan qylqalammen salynǵan sýreti jarııalanǵan. Al ekeýiniń ortasyna «War!» («soǵys» - aǵylshyn tilinde) dep jazylǵan.

Aıta ketý kerek, boksshylar arasyndaǵy ekinshi jekpe-jek shynymen de dostyq kezdesýge uqsamaıdy - GGG de, Alvares te jáne olardyń jattyqtyrýshylary da, promoýterleri de únemi syrttaı urys-keris shyǵaryp júredi.  

«Kanelo» men Golovkınniń rematchy 15 qyrkúıekte Las-Vegastaǵy T-Mobile Arena-da ótedi.