Golovkınniń sporttyq jolyndaǵy úzdik jeńisi ataldy
ASTANA. QazAqparat - Boxrec.com saıtynda paıdalanýshylarǵa qazaqstandyq boksshy Gennadıı Golovkınniń (36-0, 33 KO) úzdik jeńisin tańdaýǵa daýys berý aıaqtaldy, dep habarlady Sports.kz.
Golovkınniń brıtandyq Kell Brýkke (36-1, 25 KO) qarsy aıqasyna 32% oqyrman daýys bergen. Odan keıin GGG-nyń kanadalyq boksshy Davıd Lememen (36-3, 32 KO) jekpe-jegi, ol 21% daýys jınady. Úshinshi orynda brıtandyq Martın Mıýrreımen (34-4-1, 16 KO) kezdesýi.
Golovkın 18 naýryzda Nıý-Iorkte Madison Square Garden arenasynda kelesi jekpe-jegin ótkizedi dep kútilýde. Onyń qarsylasy - amerıkalyq bokshy Denıel Djeıkobs (32-1, 29 KO).
