Golovkınniń sońǵy jekpe-jegi «Qazaqstan» arnasyna jyldyq reıtıng ákelgen
ASTANA. QazAqparat - «Qazaqstan» jáne «Qazsport» arnalary úshin 11 qyrkúıek kúni tańǵa jaqyn bastalǵan Gennadıı Golovkın men Kell Brýk arasyndaǵy jekpe-jek 2016 jyldaǵy eń reıtıngti translıatsııa bolǵan.
Bul týraly búgin «Qazaqstan» RTRK» AQ basqarma tóraıymy Nurjan Muhamedjanqyzy málim etti.
«11 qyrkúıek kúni tańǵa jaqyn bastalǵan qazaqstandyq boksshy Gennadıı Golovkın men brıtandyq Kell Brýk arasyndaǵy jekpe-jek «Qazaqstan» telearnasy úshin 2016 jyldyń eń reıtıngti translıatsııasyna aınaldy»,-deıdi N.Muhamedjanqyzy.
Aıta keteıik, osy jyldyń eń qyzyq jekpe-jekteriniń biri - Golovkın men Brýk arasyndaǵy jekpe-jek 11 qyrkúıek kúni saǵat 03.30-da bastalyp, Golovkınnniń jeńisimen aıaqtalǵan bolatyn. Osylaısha, Gennadıı Golovkın IBO tıtýlyn 14-shi ret, IBF tıtýlyn ekinshi ret, WBC tıtýlyn alǵash ret qorǵady. Bul jekpe-jegindegi jeńisi úshin Golovkın 3 mln fýnt nemese 4 mln dollar gonorar aldy.
Al, N.Muhamedjanovanyń aıtýynsha, 6-22 tamyz aralyǵynda «Qazaqstan» jáne «Qazsport» telearnalary 218 translıatsııa júrgizgen eken. Translıatsııalardyń jalpy hronometrajy 432 saǵatty quraǵan.
