Golovkınniń soqqysy kez kelgen aýyr salmaqty boksshydan asyp túsedi - Djýlıýs Djekson

ASTANA. QazAqparat - Gennadıı Golovkınniń sparrıng qarsylasy Djýlıýs Djekson qazaq boksshysymen bolǵan jattyǵýlar jaıynda aıtyp berdi, dep habarlaıdy QazAqparat. 

Sonymen qatar ol 18 naýryzda Nıý-Iorkte Denıel Djeıkobspen bolatyn jekpe-jekke qatysty óz oılarymen bólisti.

«Men aýyr salmaqtaǵy boksshylarmen sparrıng ótkizdim, Golovkın olarǵa qaraǵanda aýyr soqqy jasaıdy. Men ómirimde judyryqtasqan kez kelgen qarsylastyń soqqysynan da kúshti. Onyń soqqysy attyń tebisinen kem emes. Onyń Djeıkobspen bolatyn kezdesýi keremet ótedi. Djeıkobs óte myqty boksshy, onymen sanasý kerek. Ol keremet boksshy. Ol GGG úshin buryn-sońdy bolmaǵan, eń aýyr qarsylas bolady. biraq men oǵan 9-10 raýnd qana beremin», - dedi Djekson ESnewsreporting.com saıtyna bergen suhbatynda.