Golovkınniń Sheremetadan keıingi qarsylasy ataldy

NUR-SULTAN. QazAqparat – EsNews Youtube-arnasynyń avtory Elı Sekbah qazaqstandyq boksshy Gennadıı Golovkınniń (40-1-1, 35 KO) Sheremetadan keıingi qarsylasy kim bolýy múmkin ekenin boljady, dep habarlaıdy QazAqparat Sports.kz saıtyna silteme jasap.

Jýrnalıstiń pikirinshe, Golovkın Sheremetadan keıin 2012 jylǵy Olımpıadanyń kúmis júldegeri brazılııalyq boksshy Eskıva Falkaomen (27-0, 19 KO) judyryqtasýy múmkin. Ol GGG-di birneshe ret synap kórip, jekpe-jekke shaqyrdy, alaıda Falkaoda kásibı rıngte maqtanarlyq eshteńe joq. Ol bes jyl boıy óner kórsetip júrgenimen, tıtýldyq jekpe-jek ótkizbegen.

Eske sala keteıik, Golovkın – IBF jáne IBO nusqalary boıynsha orta salmaqtaǵy álem chempıony.