Golovkınniń shapany otandastaryna unady
ASTANA. QazAqparat - Qazaqstannyń ǵalamtor paıdalanýshylary áleýmettik jelilerde WBA, IBO jáne WBC (Interim) nusqalary boıynsha álem chempıony Gennadıı Golovkınniń jańa shapany ózine jarasymdy bolǵanyn aıtyp, kópshilikke unaǵanyn jazyp jatyr.
Gennadııdiń jankúıerleri GGG komandasynyń kreatıvti bastamalaryna qoldaý tanytty. Monakoda ótken jekpe jekte kópshiliktiń aıtýynsha, boksshynyń shapany ǵana emes, Qazaqstan baıraǵynyń túsine uqsas tis qorǵaǵysh kapasy da erekshe kózge túsken, dep jazady boxingnews.kz.
BAQ-ta buǵan deıin habarlaǵandaı, Golovkınge jańa shapandy OQO kásipkeri Ábdimájıt Syzdyqbekov syılady. Esterińizge sala keteıik, Qazaqstan boksshysy qarsylasyn 11-shi raýndta nokaýtpen jeńdi.
