Golovkınniń salmaǵyndaǵy qamaýǵa alynǵan álem chempıony rıngke oralady
ASTANA. QazAqparat - Orta salmaqta WBO nusqasy boıynsha álem chempıony amerıkalyq Demetrıýs Andradeniń rıngke qashan oralatyndyǵy belgili boldy, dep habarlaıdy Sports.kz.
Aıta ketken jón, orta salmaq dárejesinde Gennadıı Golovkın óner kórsetedi.
Andrade qazaqstandyq boksshymen jekpe-jekke shyqqysy keletindigin birneshe ret dóreki túrde málim etken bolatyn.
«Eddı Hırn 18 qańtarda Nıý-Iorkte ótetin tórt tıtýldyq jekpe-jek jaıly aldaǵy aptada qulaqtandyratyndyǵyn málimdedi. Boks keshinde Demetrıýs Andradeniń óz tıtýlyn alǵash ret qorǵaıtyn bolady», - dep jazdy TalkSport.com jýrnalısi Maıkl Benson óziniń tvıtterinde.
Eske sala ketsek, ótken beısenbide Demetrıýs Andradeni polıtsııa Provıdens qalasynda zańsyz qarý alyp júrgeni úshin tutqynǵa alǵan bolatyn.
