Golovkınniń salmaǵyndaǵy álem chempıony qamaýǵa alyndy
ASTANA. QazAqparat - Beısenbi kúni AQSh-ta WBO tujyrymy boıynsha burynǵy álem chempıony Demetrıýs Endreıdti zańsyz qarý alyp júrgeni úshin Provıdens qalasynyń polıtsııasy qamaýǵa aldy. Bul týraly The Providence Journal basylymy habarlaǵan.
Tártip saqshylary boksshynyń basqa mashınadaǵy adammen tildesip otyrǵan kezinde onyń «Mercedes» kóligine nazar aýdarǵan.
Boksshy kúıgelektenip, aldyńǵy esiktiń janynda jatqan rıýkzakty aqtara bastaıdy. Polıtseıler ony ashtyrǵan kezde ishinen Glock 19» tapanshasy tabylǵan. Al oǵan ruqsat beretin qujat bolmaı shyqqan.
Demetrıýs Endreıd qarý ózin qorǵaý úshin qajet ekenin túsindirmekke árekettendi, alaıda onyń aıtqandary dálelsiz boldy.
30 jastaǵy Endreıdke qylmys jasady degen aıyp taǵylyp, sottyń sheshimimen kepildikpen bostandyqqa shyǵaryldy.
Eske sala keteıik, qazaqstandyq Gennadıı Golovkınmen bir salmaq sanatynda óner kórsetetin Demetrıýs onyń kezdesýi múmkin qarsylastarynyń biri sanalady.
