Golovkınniń salmaǵynda tıtýlynan aıyrylǵan Sondersti taǵy bir jaza kútip tur

ASTANA. QazAqparat - Dopıng synamanyń oń nátıjesine baılanysty WBO tujyrymy boıynsha orta salmaqtaǵy brıtandyq boksshy Djo Sonders (26-0, 12 KO)  álem chempıony tıtýlynan aıyryldy, dep habarlaıdy Sports.kz.

Buǵan qosa Dúnıejúzilik boks uıymynyń prezıdenti Pako Valkarsel burynǵy chempıondy qosymsha jazalaýǵa nıettenip otyr. Ol WBO atqarýshy komıtetine Sondersti alty aıǵa dıskvalıfıkatsııalaýdy usyndy.

Endi WBO ıesiz qalǵan belbeý úshin 20 qazanda Bostonda
amerıkalyq boksshy Demetrıýs Andrade (25-0, 16 KO) namıbııalyq Ýolter Kaýtondokvamen (17-0, 16 KO) aıqasatyn bolady.