Golovkınniń Rıota Mýratamen jekpe-jegi úshin qansha gonorar alatyny belgili boldy

NUR-SULTAN. QazAqparat – Qazaqstandyq boksshy orta salmaqtaǵy álem chempıony Gennadıı Golovkınniń (41-1-1, 36 KO) japon boksshysy Rıota Mýratamen (16-2, 13 KO) jekpe-jegi úshin qansha gonorar alatyny belgili boldy, dep habarlaıdy QazAqparat Sports.kz. silteme jasap.

Total Sport saıtynyń habarlaýynsha, Golovkın jekpe-jek úshin 5 mln dollar kóleminde kepildendirilgen gonorar jáne oǵan qosa PPV-diń 70% úlesin alady. Bul shamamen 12-15 mln dollar.

Qazaqstandyq boksshy Sergeı Derevıanchenkomen aıqasy úshin 7,5 dollar alsa, 2020 jyly sońǵy ret ótkizgen Kamıl Sheremetpen jekpe-jeginde 7 mln shamasynda jáne oǵan qosa PPV satýdan 2-4 mln dollar alǵan.

Eske salsaq, Golovkın men Rıota Mýrata orta salmaqtaǵy IBF jáne WBA Super tıtýldary úshin judyryqtasady.

Japonııadaǵy boks keshi senbi, 9 sáýir kúni Nur-Sultan ýaqyty boıynsha saǵat 15:00-de bastalady. Golovkın men Mýratanyń basty jekpe-jegi shamamen saǵat 18:10-ǵa josparlanǵan. Qos boksshynyń rıngte kezdesýin Qazsport jáne Qazaqstan telearnalarynda tikeleı efır arqyly tamashalaýǵa bolady.

Álemge áıgili qazaqstandyq boksshy, bokstan WBA/IBF/WBC nusqalary boıynsha orta salmaqtaǵy burynǵy álem chempıony Gennadıı Golovkın 40 jasta.