Golovkınniń promoýteri úshinshi jekpe-jeginiń merzimin jarııalady
ASTANA. QazAqparat - WBA (Super), IBO, WBC jáne IBF nusqalary boıynsha orta salmaqtaǵy álem chempıony Gennadıı Golovkınniń (35-0, 32 KO) promoýteri Tom Leffler 2016 jyldaǵy úshinshi kezdesýdiń merzimin jarııalady. Bul týraly BoxingScene.com habarlady.
Bıylǵy jyldyń alǵashqy kezdesýinde Golovkın amerıkandyq Domınık Ýeıdti ekinshi raýndta jeńgen bolatyn. Bul amerıkandyq sportshynyń sporttaǵy alǵashqy jeńilisi. Ekinshi kezdesýin ol 10 qyrkúıek kúni Londondaǵy 20 myń adam sııatyn O2 arenasynda ótkizbek. Onyń kezekti qarsylasy - jartylaı ortsha asalmaqtaǵy IBF chempıony brıtandyq Kell Brýk (36-0, 25 KO).
Lefflerdiń aıtýynsha, ol Golovkınge aǵymdaǵy jyldaǵy úshinshi kezdesýdiń merzimin anyqtap qoıǵan. «Eger Brýkpen barlyǵy oıdaǵydaı ótse, biz qarasha-jeltoqsan aılarynda kelesi merzimdi izdeıtin bolamyz. Golovkın - bokstaǵy eń belsendi álem chempıony. Ol 22 nokaýttan quralǵan serııany enshilegen jalǵyz chempıon. Aldyǵa qaraý - ol meniń jumysym», - deıdi ol.
