Golovkınniń promoýteri teleseriktestermen kelisimshart jasalǵany týraly málimdedi

ASTANA. QazAqparat - Promoýter Tom Leffler onyń klıenti, birqatar tujyrymdar boıynsha orta salmaqtaǵy burynǵy álem chempıony Gennadıı Golovkınniń DAZN strımıngtik servısimen kelisimshart jasaǵany týraly aqparatqa qatysty pikir bildirdi, dep jazady Sports.kz.

Taıaýda bul týraly HBO telearnasynyń sarapshysy Rıkardo Selıs málim etken bolatyn. Budan bólek, GGG-diń DAZN-men kelisimshart jasaǵanyna Saýl Alvarestiń promoýteri Oskar de la Hoııa tvıtterde astarlap aıtty. Alaıda, Leffler bul aqparattyń másele sheshilmeı jatyp jetkizilgenin atap ótti.

«Gennadıı sheshim qabyldaǵan kezde resmı málimdeme jasaıdy. Resmı anonsty kútkenderińiz durys. Qazir ol úlken suranysqa ıe táýelsiz agent. Ol qandaı platformaǵa barsa da úlken qundylyq ákeledi», - degen promoýterdiń sózin keltiredi Boxingnews24.com.