Golovkınniń promoýteri onyń Kottomen bolýy múmkin aıqasy týraly pikir bildirdi
ASTANA. QazAqparat - Qazaqstandyq Gennadıı Golovkınniń promoýteri Tom Leffler jyldyń sońynda GGG-diń Mıgel Kottomen jekpe-jegin uıymdastyrý múmkinshilikterine qatysty pikir bildirdi, dep habarlaıdy Sports.kz.
«Mıgel Kottomen aıqas uıymdastyrsaq, qýanar edik. Biz ony árdaıym, tipti Serhıo Martınesti jeńgen sáttinen bastap qurmettep kelemiz. Sol kezde Serhıomen biriktirýshi jekpe-jek uıymdastyrǵymyz kelgen edi, biraq qolymyzdan kelmedi. Al, Mıgel ony jeńdi. Eger GGG qyrkúıekte ótetin «Kanelomen» aıqasta jeńiske jetse, jeltoqsan aıynda Kottomen jekpe-jek ótkizý keremet bolar edi», - dedi Leffler amerıkalyq tilshilerge.
Budan buryn Kotto men onyń bapkeri Freddı Roých Gennadıı Golovkın - Saýl Alvares jubynda jeńiske jetken bylǵary qolǵap sheberimen judyryqtasýǵa qyzyǵýshylyq tanytqan edi.
