Golovkınniń promoýteri onyń biregeı jetistigi týraly málimdeme jasady

Orta salmaqtaǵy burynǵy álem chempıony Gennadıı Golovkınmen jumys isteý arqyly tanymal bolǵan promoýter Tom Leffler qazaqstandyq sportshynyń mansabyndaǵy keremet jetistigin atap ótti, dep habarlaıdy QazAqparat Sports.kz portalyna silteme jasap.

Jaqynda Gennadıı bedeldi The Ring jýrnalynyń nusqasy boıynsha orta salmaqtaǵy 613-shi aptasyn atap ótti. Onyń esimi reıtıngige alǵash ret 2011 jyly engizilgen.«GGG esimi The Ring reıtıngisine shyqqanyna 613 apta boldy. Alǵash birge jumys isteı bastaǵan kezimizde Germanııanyń Dıýsseldorf qalasynda ótken judyryqtasýdyń birinshi raýndynda Lahýan Saımondy nokaýtqa túsirip, úzdik «ondyqqa» kirgeni esimde. Ol kezde Felıks Shtýrm esimi 500 apta boıy reıtıngtiń basynda turdy. Meniń maqsatym Felıkstiń bul jetistiginen asyp túsý boldy. GGG bul kórsetkishti eki jyldan astam ýaqytqa basyp ozdy. Bul - uzaq ýaqyt boıy orta salmaq dárejesiniń joǵarǵy belesindegi jahandyq jetistigi men talantynyń dáleli. Bul - Germanııadaǵy 500 oryndyq qonaqúı zalynan bastap dúnıe júzindegi anshlagtary bar arenalarǵa deıingi tamasha saıahat», - dedi Leffler.
Eske sala ketsek, Golovkınniń sońǵy jekpe-jegi bir jyl buryn – 2022 jyldyń qyrkúıeginde ótken, onda ol tóreshilerdiń biraýyzdan qabyldaǵan sheshimimen úshinshi raýndta Saýl «Kanelo» Alvaresten utyldy.