Golovkınniń promoýteri Meıvezerdiń synyna jaýap berdi
ASTANA. QazAqparat - K2 Promotions basqarýshy dırektory Tom Leffler The Ring jýrnalyna bergen suhbatynda kishi Floıd Meıvezerdiń «bokstaǵy násildik problemasyna» baılanysty pikirine oraı onyń Gennadıı Golovkınniń atyna aıtqan synyna jaýap qaıyrdy.
- Meıvezer Golovkındi ol birinshi orta salmaqtaǵy boksshy bolǵan kezde onymen judyryqtasqysy kelgeni úshin synǵa alǵanyna tańym bar. Ári Andre Ýordty qorǵaıdy. Taıaýda ǵana Ýord 160 fýntta Meıvezermen aıqasqa shyqqysy kelgen kezde, ony «bala Floıd» dep ataǵan.
Golovkın úsh jyldan astam ýaqyt aralyǵynda WBA boıynsha eń belsendi álem chempıony, al Ýord - osy kezeńde asa belsendilik tanytpady. Eger qatelespesem, The Ring eki jyldyq kezeńde birinshi bestik ishinen úmitkermen aıqasýǵa belsendilik tanytyp, tilek bildirmegeni úshin ony tıtýlynan aıyrdy. Golovkınniń qazirgi reıtıngi - belsendiligi men artyqshylyǵynyń jemisi. Ol 21 qarsylasyn qatarynan nokaýtqa jiberdi. Kópshilik aıqastar ýaqytynan buryn toqtatyldy. Sondyqtan da Floıdtyń násildik jaıyndaǵy málimdemesi negizsiz. Násildik ómirdiń barlyq salasynda bar, al Golovkın reıtıngte eńbeginiń emes, túsiniń aq bolýyna baılanysty joǵary tur dep aıtý onyń AQSh-ta jarqyraı kózge túsken sátten bastap jetken barlyq jetistikterin tómendetýmen teń.
